Prathna sammelan sahitya, 29-06-2026

🙏 સુપ્રભાત મિત્રો, આજ રોજ પ્રાથમિક શાળાઓ માટે ઉપયોગી એવું સુંદર અને સચોટ પ્રાર્થના સભા સાહિત્ય નીચે મુજબ તૈયાર કરવામાં આવ્યું છે. 'ARUNOGYAN' બ્લોગ હંમેશા આપને દૈનિક એસેમ્બલીને વધુ પ્રવૃત્તિમય અને જ્ઞાનવર્ધક બનાવવામાં મદદરૂપ સામગ્રી પૂરી પાડવા માટે કટિબદ્ધ છે...

📅 શાળા પ્રાર્થના સંમેલન શૈક્ષણિક સાહિત્ય

તારીખ: લોડ થઈ રહી છે... | વાર: લોડ થઈ રહ્યો છે...

💡 આજનો પ્રેરણાદાયી સુવિચાર

"તમારી સરખામણી બીજા કોઈ સાથે ન કરો, કારણ કે ચંદ્ર અને સૂર્ય બંને પોતપોતાના સમયે જ ચમકે છે."

વિગતવાર સમજૂતી: બાળકો, ઘણીવાર આપણે વર્ગખંડમાં બીજા કોઈ વિદ્યાર્થીના વધારે માર્ક્સ કે કોઈ અલગ આવડત જોઈને નિરાશ થઈ જઈએ છીએ અને આપણી જાતને નબળી સમજીએ છીએ. પરંતુ કુદરતે દરેક બાળકને અલગ અને અદ્ભુત શક્તિ આપી છે. સૂર્ય દિવસને અજવાળે છે અને ચંદ્ર રાતની શીતળતા આપે છે, બંને પોતપોતાના સમયે જ શ્રેષ્ઠ સાબિત થાય છે. આપણે પણ બીજાની નકલ કરવાના બદલે આપણી મહેનતથી આગળ વધવું જોઈએ.

📰 આજના મુખ્ય સમાચાર

(૧) ગુજરાત: રાજ્યમાં ત્રણ વરસાદી સિસ્ટમ સક્રિય થતા સાર્વત્રિક વરસાદની આગાહી.

(૨) દેશ: પીએમ મોદી સેશેલ્સ પ્રવાસે, ત્યાંનું સર્વોચ્ચ નાગરિક સન્માન મેળવ્યું.

(૩) આંતરરાષ્ટ્રીય: અમેરિકા-ઈરાન વચ્ચે ફરી havaai હુમલા શરૂ થતા યુદ્ધવિરામ જોખમાયો.

(૪) રમત જગત: ટી૨૦ વર્લ્ડ કપ રોમાંચક મોડ પર, ભારતીય ટીમ સેમિફાઇનલમાં પહોંચી.

🔬 અવનવું જાણવા જેવું (વૈજ્ઞાનિક તથ્ય)

પ્રશ્ન: મધમાખીઓ ફૂલો પર જ કેમ બેસે છે અને તે મધ કેવી રીતે બનાવે છે?

જવાબ: બાળકો, ફૂલોની અંદર "નેક્ટર" (Necat) નામનો એક ખૂબ જ મીઠો રસ હોય છે, જે મધમાખીઓનો મુખ્ય ખોરાક છે. મધમાખીઓ પોતાની લાંબી નળી જેવી જીભ વડે ફૂલોમાંથી આ મીઠો રસ ચૂસે છે અને તેને પોતાના પેટમાં આવેલી એક ખાસ કોથળીમાં સંગ્રહિત કરે છે. ત્યારબાદ તેમના શરીરમાં રહેલા કુદરતી ઉત્સેચકો (Enzymes) આ રસ સાથે ભળીને એક રાસાયણિક પ્રક્રિયા કરે છે. જ્યારે તેઓ મધપુડામાં પાછી ફરે છે, ત્યારે આ રસ ઘટ્ટ થઈને પૌષ્ટિક 'મધ' માં ફેરવાઈ જાય છે.

🔤 આજના નવા સ્પેલિંગ (૪ અક્ષરના સરળ શબ્દો)

નંબર	ઉચ્ચાર	સ્પેલિંગ	અર્થ
(૧)	લાઈક	LIKE	ગમવું / પસંદ કરવું
(૨)	લાઈફ	LIFE	જીવન / જિંદગી
(૩)	લવ્ઝ	LOVE	પ્રેમ કરવો / ચાહવું
(૪)	લુક	LOOK	જોવું / નજર કરવી
(૫)	લોંગ	LONG	લાંબું / દીર્ઘ

📢 આજનું દિન વિશેષ

(૧) રાષ્ટ્રીય આંકડાશાસ્ત્ર દિવસ (National Statistics Day)

ભારતના પ્રખ્યાત આંકડાશાસ્ત્રી પ્રોફેસર પ્રશાંત ચંદ્ર મહાલનોબિસ (P.C. Mahalanobis) ના જન્મદિવસે તેમની યાદમાં દર વર્ષે ૨૯ જૂને આ દિવસ ઉજવાય છે. આજના દિવસે દેશના આર્થિક આયોજન, સરકારી સર્વેક્ષણો અને યોજનાઓ ઘડવામાં આંકડાશાસ્ત્રના અદ્ભુત યોગદાનને યાદ કરવામાં આવે છે. ગણિત અને આંકડાની માહિતી સચોટ વિકાસ માટે કરોડરજ્જુ સમાન સાબિત થાય છે.

(૨) આંતરરાષ્ટ્રીય ઉષ્ણકટિબંધ દિવસ (International Day of the Tropics)

સંયુક્ત રાષ્ટ્ર (UN) દ્વારા પૃથ્વી પર આવેલા ઉષ્ણકટિબંધ વિસ્તારના જંગલો, જૈવવિવિધતા અને ત્યાં વસતા લોકોના રક્ષણ માટે દર વર્ષે ૨૯ જૂને વૈશ્વિક સ્તરે આ દિવસ મનાવાય છે. પૃથ્વીના આ ભાગમાં દુનિયાના સૌથી ઘટાદાર વર્ષાવનો આવેલા છે, જે આપણા પર્યાવરણ અને હવામાનનું સંતુલન રાખવા માટે અત્યંત જરૂરી છે.

📖 આજની નાની પ્રેરણાદાયી વાર્તા

વાર્તાનું નામ: "અહંકારી વાંસ અને નમ્ર ઘાસ (નમ્રતાની જીત)"

એક મોટી નદીના કિનારે વાંસનું એક ખૂબ ઊંચું ઝાડ ઊભું હતું. તે પોતાની ઊંચાઈ અને મજબૂતાઈ પર ઘણો ઘમંડ કરતું હતું. તેની જ નીચે જમીન પર નાનું અને કૂણું લીલું ઘાસ ઊગેલું હતું. વાંસ હંમેશાં ઘાસની મજાક ઉડાવતા કહેતો, "તું કેટલું નબળું અને નાનું છે, સહેજ પવન આવે તોય નમી જાય છે! મારી જેમ અક્કડ રહેતા શીખ." ઘાસ હસીને કહેતું, "દાદા, આપ મોટા છો પણ ક્યારેક નમવું પણ સારું હોય છે."

એક રાત્રે અચાનક વાવાઝોડું આવ્યું અને ભારે પવન સાથે મુસળધાર વરસાદ શરૂ થયો. વાંસનું ઝાડ પવનની સામે પોતાની તાકાત બતાવવા અક્કડ થઈને ઊભું રહ્યું. બીજી તરફ, નાનું ઘાસ પવનની દિશા સમજીને જમીન સરસું નમી ગયું. વાંસ પવનની સામે ઝીંક ઝીલતો રહ્યો, પણ વાવાઝોડું એટલું શક્તિશાળી હતું કે થોડી જ વારમાં કડાકા ભેર અવાજ સાથે વાંસ વચ્ચેથી બટકી ગયો અને મૂળમાંથી ઉખડીને નદીમાં વહી ગયો.

સવારે જ્યારે વાવાઝોડું શાંત થયું, ત્યારે નમ્ર ઘાસ ફરીથી હસતું હસતું ઊભું થઈ ગયું. તેણે જોયું કે અહંકારી વાંસનું અસ્તિત્વ ભૂંસાઈ ગયું હતું.

💡 વાર્તામાંથી બોધ: જીવનમાં ક્યારેય અહંકાર કે ઘમંડ કરવો જોઈએ નહીં. મુશ્કેલ પરિસ્થિતિઓમાં જે વ્યક્તિ નમ્રતા રાખે છે તે મુશ્કેલી પસાર થયા પછી પણ અડીખમ રહે છે, જ્યારે અહંકારી વ્યક્તિ તૂટી જાય છે.

👉 અમારા શૈક્ષણિક વોટ્સએપ ગ્રુપમાં જોડાવા માટે નીચેની લિંક પર ક્લિક કરો:

🟢 WhatsApp Group Link

💬 આ સાહિત્ય તમને કેવું લાગ્યું તે નીચે કમેન્ટ બોક્સમાં જરૂર જણાવજો. તમારા અન્ય મિત્રો સાથે પણ આ લિંક શેર કરજો. ધન્યવાદ!
✍️ સાહિત્ય સૌજન્ય: RITESH SARAIYA